🍍🍍🍍
這幾工，王梨的新聞真鬧熱，我想著一寡仔佮王梨有關的詞，佮逐家分享;
🍍王梨酥
逐家定定食，lìn攏食陀一間?
(我食台中俊美，南投微熱山丘)
🍍王梨冰
台中豐原廟口的金樹冰果室
(我愛食加杏仁)
🍍蔭王梨，王梨豆醬
苦瓜雞湯，炊(tshue)魚，炒香瓜仔鬚(龍鬚菜)時，加一寡仔，湯頭會卡特別好食
🍍王梨乾
親像一蕊花，遐爾媠。
🍍刣王梨，莫沐(bak)到水，著bē咬舌;
細漢時，阿媽攏按呢交代，閣愛hiù一寡仔鹽花仔。
🍍王梨心，食了會相唚(sio-tsim)
對網路看著的，嘛是細漢時，會講的詞。
🍍王梨皮
厝內若裝潢了後，tháng-sù，衫仔櫥有氣味，會使用王梨皮做除臭劑。